Katibu Mkuu Ofisi ya Waziri Mkuu - Kazi, Vijana, Ajira na Wenye Ulemavu, Mary Maganga amewahimiza watumish wa Ofisi hiyo kufanya kazi kwa ufanisi kwa kuzingatia sheria, kanuni na taratibu za utumishi wa umma ili kuongeza tija katika utoaji huduma.

Amebainisha hayo leo Novemba 22, 2024 Jijini Dodoma wakati wa kufunga mafunzo elekezi ya awalli kwa Watumishi wapya 67 walioajiriwa kuanzia Mwaka 2020 hadi 2024 katika Ofisi hiyo.

Aidha, amewataka watumishi hao kufanya kazi kwa bidii, Uadilifu , weledi na kutofanya kazi kwa mazoea.

Awali akizungumza katika Mafunzo hayo, Mkurugenzi wa Idara ya Utawala na Rasilimali Watu wa Ofisi hiyo Dkt. Edith Rwiza, amemshukuru Katibu Mkuu Maganga kwa kuwezesha kufanyika mafunzo hayo kwakuwa yanachochea tija katika utekelezaji wa majukumu yao.

Wakiongea kwa nyakati tofauti watumishi wa ofisi hiyo baada ya mafunzo hayo wameomba mafunzo hayo yaendelee kutolewa mara kwa mara kwa wafanyakazi ili kuboresha utendaji wa Ofisi hiyo.