Kamishna wa Kazi, Ofisi ya Waziri Mkuu Kazi, Vijana, Ajira na Wenye Ulemavu Suzan Mkangwa ameongoza mafunzo ya Watumishi wa Idara ya Kazi yenye shabaha ya kuongeza Ufanisi katika utendaji kazi.

Mafunzo hayo yamefanyika Leo tarehe 17 Oktoba, 2024 Mkoani Morogoro.

Aidha, Kamishna Mkangwa amewataka maafisa kazi kote nchini kutumia Mafunzo hayo kukuza utendaji kazi katika maeneo yao.

Katika mafunzo hayo watumishi hao, wamepata mafunzo kuhusu Majukumu ya Idara ya Kazi, Usimamizi wa Sheria za Kazi, Vibali vya Kazi, Mfumo wa Manunuzi (NEST), Kima cha chini cha Mshahara katika Sekta binafsi, Haki ya mfanyakazi na Mafunzo ya mfumo wa taarifa za soko la ajira (Labour Market Information System) unavyorahisisha utendaji kazi Kwa Maafisa Kazi.