Waziri wa Nchi, Ofisi ya Waziri Mkuu - Kazi, Vijana, Ajira na Wenye Ulemavu Mhe. Ridhiwani Kikwete amesema mafunzo ya utarajali (Internship) yameendelea kuwawezesha vijana wanaohitimu vyuo vikuu na vya kati kukuza ujuzi na maarifa yao ili waweze kujiajiri na kuajiriwa.

Mhe. Ridhiwani Kikwete amesema hayo wakati wa hafla ya kuwaaga vijana wanaoenda nchini Denmark ,Ujerumani na Sweden kushiriki mafunzo kwa Vitendo (Internship Program).

Aidha, amesema Programu hiyo ya kupeleka vijana nchi za Ulaya ilianza mwaka 2022 ambapo nchi kama Denmark, Ujerumani, Norway, Sweden na Ireland imefanikiwa kupokea vijana 535 kutoka vyuo mbalimbali Tanzania bara na visiwani kutoka kozi za chakula, Sayansi ya mimea, Mifugo, Utalii na Uhandisi.

Kwa upande mwengine, Waziri Ridhiwani amepongeza CRDB Foundation, SUGECO, Chuo Kikuu cha Kilimo cha Sokoine (SUA), Chuo kikuu cha Dar es Salaam na Kitengo cha Huduma za ajira TaESA kwa kushirikiana katika program hiyo.